Chiroyli.UZ siz kutgan portal !!!
Assalomu alaykum, bizning portalga xush kelibsiz :)
Reklama

Doimiy uyquchanlikdan qutulish choralari

ERKIN7717 | (12-Dek 2017, 07:28:57) | 130 | 0

Doimo uyqungiz kelib, yostiqni orzu qilib yurasizmi? Quyidagi oddiy maslahatlar uyqungizni qochirib, tetik tortishingizga yordam beradi.

Foto: “Kakprosto.ru”

  1. Tanaffus qiling!

Ish joyingizda ko‘zlaringiz yumilib ketaversa, joyingizdan turib, biroz oyoqlaringiz chigalini yozing. Ishingiz bir zayldagi harakatlardan iborat bo‘lsa, kichik tanaffuslar bilan xayolingizni biroz chalg‘itishingiz kerak.

  1. Olma yeng!

Kam-kamdan, to‘g‘ri tanlangan mahsulotlar bilan tamaddi qilib turish ham o‘zingizni tetik his qilishingizga yordam beradi. Bunday mahsulotlarga olma, ismaloq, suli yormasidan tayyorlangan bo‘tqa, grechka, shokolad, loviya kabilar misol bo‘ladi. Bundan tashqari, mutaxassislar me’yoridan ortiqcha yemaslik va yog‘li ovqatlardan uzoqda bo‘lishni maslahat berishadi.

  1. Mizg‘ib oling!

Jorjtaun universiteti tomonidan aniqlangan: kunduzi mizg‘ish jarayonida miyaning mantiqiy fikrlash va xotira jarayonlariga javob beruvchi chap yarim shari dam oladi va tiklanadi. Shuning uchun, kunduzgi uyqudan keyin odam tetiklashib, mehnat qobiliyati oshadi, tiniq fikrlay boshlaydi. Kunduzgi uyqu qisqa bo‘lishi kerak, buning uchun 15—20 daqiqa yetarli, deyishadi mutaxassislar. Kunduzgi uyquning vaqtini to‘g‘ri tanlash ham ahamiyatga ega. Kech tushayotganda mizg‘imaslik kerak, bu tungi uyqusizlikka olib keladi.

  1. Pardalarni oching!

Siz o‘tirgan xona nimqorong‘i bo‘lsa, darrov uyqu bosa boshlaydi. Pardalarni oching, chunki quyosh nuri melatonin ishlab chiqarilishini kuchaytiradi. Melatonin esa, biologik soatlarning to‘g‘ri bo‘lishini ta’minlaydi. Bulutli ob-havoda chiroqni yoqib o‘tiring.

  1. Derazalarni oching!

Kislorod yetishmasligi uyquchanlikni keltirib chiqaruvchi asosiy sabablardan biri. Shuning uchun derazalarni ochib, xonani shamollatib turing. Vaqtingiz bo‘lsa, toza havoga chiqib, biroz sayr qilib keling.

  1. Sovuq suvda yuvining!

Bu charchog‘ingizni ketkazadi va tetiklashtiradi.

  1. Qahva iching!

Kofein inson tanasi faolligini haqiqatdan ham oshirishini Kardiff universiteti xodimlari aniqlashgan.

Yuqoridagi chora-tadbirlarga qaramasdan baribir uyquchanlik saqlanib qolsa-chi? Nima qilamiz?

  1. Kechasi to‘yib uxlang!

Kattalar uchun tungi uyquning davomliligi 7—9 soat bo‘lishi kerak. Bunda uyquning sifatini yaxshilashga ham e’tibor bering.

  1. To‘g‘ri ovqatlaning!

Ovqatlanish tartibiga rioya qiling va ratsioningizda oqsil, yog‘ va uglevodlarning to‘g‘ri miqdorda bo‘lishiga etibor bering. Suvni yetarli miqdorda iste’mol qiling.

  1. Shifokor qabuliga boring!

To‘g‘ri va tartibli turmush tarzingizga qaramasdan, sizda doimiy uyquchanlik saqlanib qolaversa, shifokorga murojaat qilganingiz ma’qul.

Manba: Health Mail.Ru

Yuklash txt | fb2

Maqolaga izoh qoldirish uchun Kirish sahifa orqali kirib izoh qoldirin!

Bosh sahifaga
Оnlayn: 7(1/6)
Ro'yxatdan o'tish
Tezlik: 0.011 s

Chiroyli.UZ siz kutgan portal !!!

Яндекс.Метрика